നങ്യാര്കുളങ്ങര - കടലാസുകൊണ്ട് വിവിധരൂപങ്ങള് സൃഷ്ടിച്ച് ഷുക്കൂര്സാര് ശലഭവും തൊപ്പിയും ഗണിതരൂപങ്ങളുമൊക്കെ തീര്ത്തപ്പോള് അദ്ധ്യാപകര് അക്ഷമരായി. സാറിന്റെ നിര്ദ്ദേശങ്ങള്ക്കനുസരിച്ച് കടലാസുകഷണങ്ങള് സ്വന്തം കരവിരുതില് രൂപങ്ങളായപ്പോള് പലരുടേയും മുഖം സന്തോഷം കൊണ്ട് വിടര്ന്നു. നങ്യാര്കുളങ്ങര ഗവ.യു.പി സ്കൂളില്വെച്ച് ഹരിപ്പാട് സബ് ജില്ലാ സയന്സ് ക്ലബ്ബ് അസോസിയേഷന്റെ ആഭിമുഖ്യത്തില് സംഘടിപ്പിച്ച എല്.പി ,യു.പി അദ്ധ്യാപകര്ക്കുള്ള ഒറിഗാമി പരിശീലനമാണ് രംഗം.വിവിധ സ്കൂളുകളില് നിന്നായി മുപ്പതോളം അദ്ധ്യാപകര് പരിശീലനത്തില് പങ്കെടുത്തു. സ്കൂള് ഹെഡ്മിസ്ട്രസ് രഞ്ചനടീച്ചര് പരിശീലനം ഉദ്ഘാടനം ചെയ്തു. ഹരിപ്പാട് സബ് ജില്ലാ സയന്സ് ക്ലബ്ബ് അസോസിയേഷന് സെക്രട്ടറി സി.ജി.സന്തോഷ് വിശദീകരണം നടത്തി. ചേര്ത്തല ചെമ്പകച്ചൂട് ഗവ.യു.പി സ്കൂള് അദ്ധ്യാപകനായ ഷുക്കൂര് സാര് ക്ലാസ്സെടുത്തു.ഗീതടീച്ചര് (ആരൂര്.എല്.പി.എസ് ) നന്ദിരേഖപ്പെടുത്തി.
No comments:
Post a Comment